"Менің мамандығым-менің таңдауым!»

Кәсіптік бағдар беру жұмысы шеңберінде Павлодар қызмет көрсету саласы колледжінде бірінші курс студенттерін мамандықтың тарихымен, артықшылықтарымен, қызмет мазмұнымен, еңбек жағдайларымен, білім мен біліктілікке қойылатын талаптармен таныстыру мақсатында "Менің мамандығым - менің таңдауым!» атты тәрбие сағаты өткізілді.

Іс – шара барысында топ кураторлары мамандық - бұл өз тұлғасын ашуға, өз қабілеттерін көрсетуге көмектесетін еңбек екенін атап өтті. Жұмысшы мамандықтарына ерекше көңіл бөлінді. Еңбек нарығындағы жұмысшы мамандықтарға сұраныс туралы айтылды.

Бітіруші топтар үшін тәрбие сағаттары "Жас маман. Еңбек жолының басталуы" атты ұранмен өтті. Сынып сағаты аясында колледж түлектерімен кездесулер ұйымдастырылып, еңбек жолының алғашқы қадамдары туралы айтылды. Өз әсерлерімен бөлісіп, студенттерді қызықтырған сұрақтарға жауап берді.

Павлодар қызмет көрсету саласы колледжінде оқыту  "Шаштараз өнері және сәндік косметика"  506000  және "Тігін өндірісі және киімдерді үлгілеу" мамандықтар бойынша жүзеге асырылады.